Тікелей эфир

Каспий теңізінің жағалауындағы қамыс өртін төрт тәуліктен бері сөндіре алмай жатыр

Өрт сөндіру жұмыстарын батпақты жерлер қиындатып, құтқарушылар тікұшақты пайдалануға мәжбүр болған.

Атырау облысында төртінші тәулік бойы Каспий жағалауында қалың қоға мен қамыс өртеніп жатыр. Өртті сөндіру жұмыстарына жеті автотехника бірлігі және 35 қызметкер жұмылдырылды. Олар жеке өрт ошақтарын петардалармен, аспалы өрт сөндіру құралымен және мотопомпалардың көмегімен сөндіру бойынша жұмыс істейді, деп хабарлайды "Мой город" басылымы.

Каспий теңізінің жағалайындағы өрт сөндіру жұмыстары/ "Мой город" басылымының фотосы.

Оқи отырыңыз: Риддерде орман өртіне байланысты төтенше жағдай режимі енгізіледі


Басылым өртті сөндіру жұмыстарына өсімдіктердің биіктігі мен батпақты аймақ қиындық тудырып жатқанын айтады.

Өңірлік ТЖД баспасөз қызметінің хабарлауынша, өртке мониторинг жердегі және әуедегі барлау арқылы жүргізіледі. Оттың тұтану себебі мен өртенген аумақтың ауданы белгіленеді.

19 мамырда түстен кейін Атырау қалың қара түтінге оранды. "112" бірыңғай кезекшілік-диспетчерлік қызметінің Call орталығына қала тұрғындарынан қоңыраулар түсе бастады.

Белгілі болғандай, қамыс өрті Тасқала ауылынан 40 шақырым жерде орналасқан, Кеңөзек ауылдық округіндегі Каспий теңізінің жағалауында болған. Барлау кезінде құтқарушылар батпақты жерде 32 гектарға жуық құрғақ шөп пен қамыс жанып жатқанын анықтады.

Құтқарушылар жанып жатқан қамысты сөндіруде тікұшақ қолданды / "Мой город" басылымының фотосы.

Оқи отырыңыз: Алапат өрттен үйлері өртенген Риддер тұрғындарына заманауи ықшамаудан салынады


Тікұшақпен әуеден барлау жүргізу кезінде 6 жану ошағы анықталып, шамамен 10,6 гектар алқап күлге айналған.

"МИ-8" тікұшағы ВСУ-5 көмегімен ошақтарды сөндіріп, әуеден су төкті.

Өрт сөндіру бойынша іс-қимылдарды үйлестіру үшін Департаментте жедел штаб құрылды.

Қамысты сөндіру жұмыстары жалғасуда.

Біздің Telegram-каналдағы ең көп оқылған жаңалықтар
Серіктестер жаңалықтары