Президент жанындағы Төтенше жағдай режимін қамтамасыз ету жөніндегі мемлекеттік комиссия Нұр-Сұлтан, Алматы және Шымкент қалаларында шектеу шараларын күшейтті.

Нұр-Сұлтан мен Алматыда:

Мемлекеттік комиссия 28 наурыз күнгі сағат 00.00-ден бастап келесі шараларды қабылдау арқылы Нұр-Сұлтан және Алматы қалаларында карантин режимін күшейту туралы шешімді бекітті:

  • Азық-түлік, дәрі-дәрмек сатып алуды және жұмысқа баруды қоспағанда, азаматтардың тұрғын үйден шығуын шектеу;
  • Саябақтар, скверлер, жаяу жүретін көшелер, жағалаулар, ойын алаңдары секілді халық көп жиналатын орындарды жабу;
  • Қоғамдық көлік жұмысын кезең-кезеңмен шектеу;
  • Көшелерде және басқа да қоғамдық орындарда үш адамнан артық топтасып жиналуға тыйым салу (отбасы мүшелерінен басқа);
  • Кәмелеттік жасқа толмағандардың үлкендерсіз сыртта жүруіне тыйым салу.

Шымкентте:

Шымкентте әуежай, теміржол вокзалы, автовокзал мен балабақшалар жұмысы тоқтатылады.

  • Саябақтар, скверлер, жаяу жүргінші көшелері, ойын алаңдары секілді халық көп жиналатын жерлер жабылады;
  • Қоғамдық тамақтандыру орындарының жұмысы сағат 18.00-ге дейін шектеледі. Үйге жеткізу сағат 22.00-ге дейін;
  • Қоғамдық көлік қозғалысы кезең-кезеңмен шектеледі.

Ал азық-түлік дүкендерінің, сауда орталықтары мен киім-кешек базарларының, қызмет көрсететін нысандардың жұмыс режимі Шымкент қаласы әкімінің шешімі бойынша шектеледі.


Оқи отырыңыз: Мейрамхана, сұлулық салоны, жаттығу залдары жабық. Карантин кезінде тағы қандай шектеулер қойылады?


Қазақстанда коронавирус жұқтырғандар саны 109 адамға жетті:

  • Нұр-Сұлтан – 61;
  • Алматы – 40;
  • Қарағанды қаласы – 2;
  • Шымкент қаласында – 2;
  • Алматы облысы – 1;
  • Ақтөбе облысы – 1;
  • Жамбыл облысында – 1;
  • Солтүстік Қазақстан облысы – 1.

Аурудан айыққан екі қазақстандық бүгін 26 наурызда ауруханадан шығарылды.

Денсаулық сақтау министрлігі профилактикалық 5 шараны тұрақты істеуге кеңес береді:

  • қол мен бетті сабынмен жиі және мұқият жуу;
  • қолға арналған спирттік антисептиктерді қолдану;
  • көп адам жиналған орындардан аулақ болу;
  • науқас адамдармен байланысқа түспеу;
  • салқын тию белгілері (дене қызуының көтерілуі, мұрынның бітелуі, жөтел, тамақтың ауруы) пайда болғанда міндетті түрде дереу үйге жедел жәрдем шақыру қажет.

Өзіңізге ыңғайлы жерден informburo.kz оқыңыз:

Facebook | Instagram | Telegram

Если вы нашли ошибку в тексте, выделите ее мышью и нажмите Ctrl+Enter