30-летие независимости Казахстана
Елордалық денсаулық сақтау жүйесі медициналық қызметтердің кең спектрін ұсынады

depositphotos.com
depositphotos.com

2020 жылы қалалық ауруханаларда 169 мыңнан астам адам ем қабылдап, 49 мыңға жуық азаматқа ота жасалған.

Әрбір мемлекет алдындағы міндеттердің бірі – өз азаматтарына көрсетіп отырған денсаулық сақтау қызметтерін жақсарту. Осының бәріне осы салада жүргізіліп жатқан ауқымды реформалар арқылы қол жеткізуге болады. Елордалық медицинаның басымдықтары, осы жылдардың басты жетістіктері мен тәуелсіздік жылдары саланың қалай өзгергені туралы елордалық Қоғамдық денсаулық сақтау басқармасының басшысы Тимур Мұратов айтып берді.

"Бүгінде елордалық денсаулық сақтау жүйесі медициналық қызметтердің кең спектрін ұсынады. Тәуелсіздік жылдарында біз халқымыздың денсаулығын нығайтуда, ауруларды диагностикалау мен анықтауда, ең тиімді шараларды қолдану үшін емдеудің заманауи әдістерін енгіздік, әлі енгізіп те келеміз. Осы 30 жыл ішінде елорда халқы 10 есе өсті. Негізгі медициналық-демографиялық көрсеткіштер де тәуелсіздік жылдарында оң үрдіске ие", – дейді Т. Мұратов.

Денсаулық сақтау басқармасының басшысы денсаулық сақтау инфрақұрылымы қалай өзгергенін және оның негізгі көрсеткіштерін салыстырды.

"Күн сайын елордада (орта есеппен) 80 бала туылады, 400-ден астам адам ауруханаға жатқызылады, жедел жәрдем 2000-нан астам адамға жедел көмек көрсетеді, емханаларға күніне 8500-ден астам адам қаралады, күніне 150-ден астам операция жасалады. Бұл халыққа сапалы медициналық көмек көрсету бойынша үздіксіз жұмыстың нәтижесі. Бүгінгі таңда жас қалада көптеген клиникалар ашылды, олардың негізінде бүгінде бірегей медициналық технологиялар жүзеге асырылуда. Тиісінше, елордалық денсаулық сақтау саласы қала мәртебесінде дамып келеді", – деп атап өтті Басқарма басшысы.

30 жыл ішінде қалада тұтас медициналық кластер, оның ішінде босандыру көмегін көрсететін кластер құрылды. Бүгінде бала туудың күрт өсуіне байланысты 1 қалалық перзентхананың орнына 3 деңгейлі көмек көрсететін 3 көпбейінді аурухана құрамында 3 акушерлік блок жұмыс істейді.

Тек 2020 жылдың өзінде қалалық ауруханаларда 169 мыңнан астам адам ем қабылдады. Біздің дәрігерлер 49 мыңға жуық азаматқа ота жасады. 30 мыңға жуық бала дүниеге келді, емханаларға 4 миллионнан астам рет келді. Сондай-ақ, 137 мыңға жуық пациент тегін дәрі-дәрмектермен қамтамасыз етілді, жедел жәрдем 500 мыңнан астам шақыруға қызмет көрсетті.

"Біздің мемлекеттік клиникаларымызда жыл сайын жаңа технологиялар енгізілуде.Сонымен қатар, халықты диагностикалау мен емдеуге арналған заманауи жоғары технологиялық аппараттармен жарақтандырылуда. Мәселен, биыл 3 қалалық аурухана мен екі емхананы КТ және МРТ жаңа аппараттарымен қамтамасыз еттік. Қазіргі жағдай – пандемия кезеңі-ауруларды уақтылы диагностикалау үшін АМСК ұйымын осындай технологиялармен қамтамасыз етудің аса қажеттілігін көрсетті", – деді Мұратов.

Басқарма басшысы пандемия басталғалы бері атқарылған жұмыстар туралы да тарқатып берді.

"Пандемия кезінде 4 мың төсек орын ұйымдастырылып, 8 мың медицина қызметкері жұмылдырылды. Стационарлардың ӨЖЖ-аппараттарымен қамтамасыз етілуі 100% құрады. КВИ бар пациенттерді емдеу үшін 19 КТ (республикалық клиникалардан, жеке медициналық ұйымдардан және өзге ұйымдардан КТ қоса алғанда) алынды. 27 рентген-аппарат, 1 мыңнан астам оттегі концентраторы және 1,5 мыңға жуық оттегі нүктесі және т. б. Қаланың денсаулық сақтау жүйесі айтарлықтай модернизациядан өтті. Жедел медициналық жәрдем машиналарының паркі толықтай жасақталған", – деп айқындады Тимур Мұратов.

Оның мәліметінше, жаңа стандарттарға сәйкес және елордалық денсаулық сақтау жүйесін жаңғырту мақсатында әкімдіктің медициналық ұйымдарына күрделі жөндеу жұмыстары жүргізілуде.

"Қысқа мерзім ішінде елордада 210 орындық қалалық жұқпалы аурулар орталығы жобаланып, салынғанын атап өту маңызды. Жыл сайын қала халқы 40-50 мың адамға артып келеді, ал бұл жаңа емханалар салуды, дәрі-дәрмектерге қаржыландыруды ұлғайтуды талап етеді, бұл өз кезегінде қосымша кадрлық және материалдық ресурстарды талап етеді. Халыққа алғашқы медициналық-санитарлық көмекті жақын ету мақсатында 2018-2020 жылдар аралығында 20 минуттық қадамдық қолжетімділікті қамтамасыз ететін 30 "үй жанындағы дәрігер" объектісі ашылды, оның ішінде 260 мыңнан астам адамды қамти отырып, жеке инвестицияларды тартумен 25. Оның 6-ы қала шетінде орналасқан. 2021 жылы тағы 10-ға жуық нысанды ашу жоспарланған", – мәлімдеді Мұратов Т.

Сонымен қатар, 2020 жылдың соңында "Сарыарқа" және "Байқоңыр" аудандарында 2 жаңа ірі емхананың құрылысының жобасы мақұлданды. Сондай-ақ, жеке инвесторлар тарапынан "Есіл" және "Алматы" аудандарында осындай нысандарды салуға қызығушылық байқалады. Нысандарды тапсыру 2022-2023 жылдары күтілуде.

Алдағы жылдары №1 Көпбейінді қалалық аурухана аумағында 250 төсек-орынға арналған перзентхана блогы салынады, бүгінгі күні патологоанатомиялық бюроға арналған жаңа ғимаратқа ұқсас жағдай жасалған эскиздік жоба келісілді.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары