Елордада екпе алғандар арасында екі бөлмелі пәтер ойнатылады

Нұр-Сұлтан әкімі Алтай Көлгінов Instagram желісінде қала тұрғындарын ынталандыру үшін бағалы сыйлықтардың ұтыс ойыны енгізіліп жатқанын хабарлады. Ал жаңадан вакцинацияланғандар арасында екі бөлмелі пәтер ойнатылады. Пәтер инвесторлар есебінен тігіледі. Ұтыс ойынына қала емханаларында немесе сауда ойын-сауық орталықтары мен сауда үйлеріндегі пункттерінде екпе алған қала тұрғындарының бәрі қатысады.

"Ал пәтер ұтысының ойынына осы жылдың 25 маусымы мен 31 тамызы аралығында вакцинаның бірінші компонентін алатын 18 жастан асқан қала тұрғындары қатысаады. Қыркүйек айының басында нәтижесін жариялаймыз. Конкурстың әділ өтуі және екпе алғандарды толығымен қамту үшін (көрсетілген кезеңде) IT-қоғамдастықты жұмылдырамыз", – деп жазды қала басшысы.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Алтай Кульгинов (@altay_kulginov_official)

Оқи отырыңыз: Екпе алмаған қызмет көрсету саласы мен ірі ұжым қызметкерлеріне жұмысқа кіруге шектеу енгізіледі

Бұған дейін MEGA Silk Way СОО вакциналанғандар арасында автокөлік ұтыс ойыны өтетінін хабарлаған. Сол сияқты сауда ойын-сауық орталықтары мен сауда үйлеріндегі пункттерінде вакцинацияланғандар арасында компьютерлік және тұрмыстық техникалардың, iPhone смартфонының ұтыс ойындары ойнатылады.

"Соңғы күндері тұрғындардың вакцина алудағы белсенділігі қуантады. Қала тұрғындары осылайша өз денсаулығына жауапкершілікпен қарай бастады әрі "Дельта" штаммының қаупін түсінді. Вакцинация – пандемиямен күрестегі жалғыз, тиімді әдіс", – деді Алтай Көлгінов.