Қазақстанда қолданыстағы жол белгілерінің саны 240-қа жуықтайды.
2022 жылғы 8 айда 7 862 жол-көлік оқиғасы болып, 1 300-ден астам адам қайтыс болды. Олардың 113-і – балалар. ІІМ Әкімшілік полиция комитетінің мәліметінше, жол-көлік оқиғаларының 95 пайызы жол қозғалысы ережелерін сақтамаудан болады. Әдетте көлік жүргізушілердің жылдамдық режимін сақтамауы, қарсы жолға шығуы апатқа әкеледі. Одан қалды, жол белгілеріне назар аудармау – жол апаттарының басты себептерінің бірі.
