Статистика Covid-19
в Казахстане:
Заразились:
287 001
Выздоровели:
246 323
Умерли:
3 384 (16.04.2021)
Коронавирусная
пневмония:
Заразились:
51 844
Выздоровели:
50 639
Умерли:
750 (16.04.2021)

Антикоррупциялық қызмет өкілі ТҮКШ саласында жиі кездесетін қылмыстарды атады

Пара алу, қызметін асыра пайдалану және мемлекет мүлкін ұрлау деректері жиі кездескен.

2019 жылы бұл салада 104 қылмыстық іс қозғалған. Оның 49-ы сотқа дейін жетіп, нәтижесінде 20-дан астам лауазымды тұлға айыпталған.

"Осы саладағы қылмыстардың мемлекетке келтірген залалы 2,5 млрд теңгеден асады. Қазірге дейін ол қаржының 100 пайызға жуығы мемлекетке қайтарылды. Бұдан басқа бірқатар қылмыстық іс әлі де қаралып жатыр", – деді Сыбайлас жемқорлыққа қарсы іс-қимыл тергеу департаментінің аға тергеушісі Данияр Биғайдаров.

Оқи отырыңыз: Екінші мәрте ұрлық жасайтындарға кешірім жоқ. Қылмыстық кодекске ұрлыққа қатысты тағы қандай өзгертулер енгізілді?

Аға тергеушінің айтуынша, ТҮКШ саласында негізінен пара алу, қызметін асыра пайдалану және мемлекет мүлкін ұрлау деректері жиі кездеседі. Айыпталған азаматтар орындалған жұмыс актілеріне заңсыз қол қойып, тендер өткізіп немесе баспана алу кезегін жылжыту арқылы заң бұзған.

Бұдан бөлек, елді мекендерді сумен қамтамасыз ету мен магистралды тораптарды қалпына келтіруге бөлінген бюджет қаржысын жымқыру және жалпы қорғаншылық деректері де анықталды.