Ыстықкөлге алдын ала билет алып қойған қазақстандықтар Қырғызстандағы эпидахуал күрт нашарлап, шекара жабылып қалған жағдайда ғана ақшасын кері қайтара алады, деп хабарлады 31-арнаның Информбюро ақпараттық бағдарламасы.

Көрші елдің бас санитар дәрігері эпидемиологиялық жағдай тұрақсыз болғандықтан карантин талаптарын қатаң сақтау қажет екенін ескертті. Десе де, қазақстандықтар Ыстықкөлге маусым мен шілде айларына билеттерді толығымен алып қойған. Вакцина паспорты болмаса, барар және қайтар кезде өз есебінен ПТР-сынама тапсыру міндетті. Шекарадан өту үшін балада шетел паспорты болуы керек, туу туралы куәлік жарамайды.

Оқи отырыңыз: Қай жағалауда демалған дұрыс?

Брондауға саяхаттауға кететін соманың 40 пайызын алдын ала төлеу керек. Ал бармаймын деп шешкен жағдайда ақшаның тең жартысы ғана қайтарылады.

"Біз "Ыстықкөл" демалыс аймағына баратын туристерді автобусқа отырғызбас бұрын, "Ашық" жүйесі арқылы тексеріп аламыз. Карантин талаптары қадағаланады. Қырғызстанға жеткенше маска шешуге болмайды. Шекара жабылмаса да, өз еркімен барғысы келмей қалғандарға қонақ үйге деп төленген шығын қайтарылмайды. Тек алдын ала бір ай бұрын өтініш жазса ғана толық төлейміз", – дейді туристік компания менеджері Анастасия Олькова.

Материалдың толық нұсқасын төмендегі видеодан көріңіз: