OLX сервисі демалыс маусымы қарсаңында қазақстандықтар арасында жазғы демалысты өткізу жоспары туралы сауалнама жүргізді. Респонденттердің 45 пайызы қаржылық себептерге байланысты жазғы демалысты жоспарламайтынын айтты. Былтыр сауалнамаға қатысқандардың 40 пайызы демалысқа қаражаты жетпейтінін айтқан еді. Респонденттердің тек 25 пайызы демалысты ел ішінде өткізуді жоспарлап отырғанын, 13 пайызы оны қала сыртында өткізетінін және тек 17 пайызы шетелге сапар шегуді жоспарлап отырғанын айтты. 

Жазғы маусымда қазақстандықтар үшін ең танымал сыртқы туристік бағыт – Түркия, БАӘ, Египет және Таиланд, ал ішкі туризмде – Алакөл, Бурабай немесе Балқаш. Қазақстандықтардың басым бөлігі (64%) шетелде демалуға 1 млн теңгеден артық емес, ал ел ішінде демалуға 300 мың теңгеден артық емес қаражат жұмсауға дайын. Себебі шетелге жазғы саяхатқа шығуға дайын респонденттердің 60 пайыздан астамының отбасы  3 адамнан тұрады, ал ішкі туризм бағытын таңдаған адамдардың жартысынан астамының отбасы 4 немесе одан да көп адамнан тұрады, олардың 68 пайызының бюджеті 300 мың теңгеден аспайды.

Респонденттердің тек 2 пайызы ғана Қазақстан бойынша сапарға 1 млн теңгеден астам қаражат жұмсауға дайын. 

Оқи отырыңыз: Театр, музей, кітапханаға экскурсия. Жазғы демалыста балаларға арналған қандай шаралар өтеді?