"Қазгидромет" РМК синоптиктері дүйсенбі күнге арналған ауа райы болжамын жариялады.

Синоптиктердің болжамына сүйенсек, Қазақстанның солтүстігінде ауа райы құбылмалы болады. Петропавлда түнде және таңертең тұман түсіп, жауын-шашынсыз өтеді, температура түнде -2…-4°С, күндіз +5…+7°С. Қостанайда жаңбыр қарға ұласуы мүмкін, тұман мен көктайғақ күтіледі, жел күшейеді, ауа температурасы түнде -1…-3°С, күндіз +4…+6°С. Көкшетауда жауын-шашынсыз, күндіз +3…+5°С, Павлодарда да ашық, температура +6…+8°С шамасында болады.

Орталық аймақтарда – Қарағандыда түнде аздаған жаңбыр жаууы ықтимал, күндіз +8…+10°С. Жезқазғанда жауын-шашынсыз, күн жылырақ, +13…+15°С.

Шығыста – Өскемен мен Семейде жаңбыр мен найзағай күтіледі, сынап бағаны күндіз +11…+15°С аралығында.

Батыс өңірлерде – күн негізінен ашық болады. Оралда түнде және таңертең тұман түсіп, күн жауын-шашынсыз, ауа температурасы түнде +1…+3°С, күндіз +11…+13°С. Атырау мен Ақтөбеде жауын-шашынсыз, күндіз +12…+20°С аралығында. Ақтауда ауа райы ашық, түнде +10…+12°С, күндіз +20…+22°С.

Оқи отырыңыз: Мұнай-химия өндірісі кеңейеді: Қазақстанда жаңа зауыт салу мүмкіндігі қарастырылып жатыр

Оңтүстікте ауа райы құбылмалы. Тараз, Шымкент және Түркістанда күндіз жаңбыр мен найзағай болып, жел күшейеді, ауа температурасы +22…+27°С. Қызылордада кей жерлерде жаңбыр күтіледі, күндіз +20…+22°С.

Алматы, Қонаев және Талдықорғанда жауын-шашынсыз жылы күн күтіледі, температура +25…+27°С.