Үкіметте су тасқынынан кейін салынған жаңа баспананың саны жарияланды. Бүгінде екі облыста әлі құрылыс жұмыстары жүргізіліп жатыр, деп хабарлады Үкіметтің баспасөз қызметі.

Премьер-министрдің орынбасары Қанат Бозымбаевтың айтуынша, 3,5-4 айда үлгілік жобалар бойынша 2 576 үй салынды. Бұдан бөлек, көпқабатты үйлерден 5 767 пәтер сатып алынды.

"Бұл жұмыс Атырау, Ақтөбе, Қостанай және Солтүстік Қазақстан облыстарында толығымен аяқталды. Бүгінгі таңда Ақмола облысында 38 және Батыс Қазақстан облысында 28 үйдің құрылысы аяқталып жатыр. Тапсыру мерзімі – 1 қазан", – деді Қанат Бозымбаев.

Оқи отырыңыз: Үкімет болжамы: бес жылдан кейін Қазақстанда орташа жалақы 570 мың теңгеге жетеді

Ал Сырым ауданында жерасты суларының көтерілуі салдарынан 38 саман үй жарамсыз болып қалды. Бұл факт тамыз айының соңында анықталды. Осыған байланысты 15 қазанға дейін қосымша үй салуға шешім қабылданды.