Үкімет отырысы барысында премьер-министр Олжас Бектенов "Ауылда денсаулық сақтауды жаңғырту" ұлттық жобасын сапалы іске асыру – алда тұрған басты міндеттердің бірі екенін атап өтті, деп хабарлады үкіметтің баспасөз қызметі.

Ауылдық жерлерде жаңа медициналық ұйымдарды салу, жұмыс істеп тұрған облыстық ауруханаларды жөндеу және кадр мәселесі – шешуді қажет ететін негізгі мәселелер.

Үкімет басшысы құрылысы биылға жоспарланған нысанның жобалау-сметалық құжаттарының барлығына мемлекеттік сараптама қорытындысын беру толығымен аяқталғанын атап өтті.

Мердігерлер анықталды, құрылыс-монтаж жұмыстары жүргізіліп жатыр.

Оқи отырыңыз: Үкімет басшысы тасқыннан зардап шеккен тұрғындарға арнап салынған үйлерді тексерді

"Үкімет Ұлттық жобаны іске асыруға 60,3 миллиард теңге бөлді. Оның 21 миллиард теңгеден астам бөлігін өңірлер алып үлгерді. Қазір қалған нысандарды қаржыландыру мәселесі пысықталуда", – деді Олжас Бектенов.