Соңғы уақытта көпқабатты тұрғын үйлердің терезелерінен балалардың құлау жағдайлары жиілеп кетті. Мәселен, өткен аптада ересектердің қарауынсыз қалған 6 балала терезеден құлап кетті. Балаларды қараусыз қалдыру және терезелерді ашуға қарсы қорғаныс құралдарының болмауы қайғылы оқиғалардың негізгі себептері болып табылады, деп хабарлады Төтенше жағдайлар министрлігі. 

Көбінесе қайғылы жағдайлардың негізгі себептеріне ата-аналардың кіші балаларын қарау жауапкершілігін үлкен балаларына жүктеу, сондай-ақ қауіпсіздік ережелерін елемеу және москит торларына сену жатады. Өйткені, көбінесе балалар оларға сүйеніп, тормен бірге терезеден құлап кетіп жатады, бұл жазатайым оқиғаларға әкеледі. Москит торы қайғылы жағдайдың жиі кездесетін себебі болып табылады, өйткені бала ешқандай қауіп жоқ деп ойлап, терезеге еркін сүйене береді. Москит торлары баланың салмағын ұстап тұруға арналмағанын есте ұстаған жөн.

Оқи отырыңыз: Қауіпсіздіктің қарапайым ережелері. Біз күнделікті неге мән бермейміз?

Осыған байланысты ТЖМ келесі шараларды сақтауды сұрайды: 

  • Балаларды қараусыз қалдырмаңыз;
  • Балалар бар пәтерде терезелер арнайы қорғаныс құрылғыларымен жарақталуы керек;
  • Терезе тұтқасын бала өздігінен аша алмайтындай етіп құлыптаңыз;
  • Баланың терезеге шығуына жол бермеу үшін жиһаздың барлық түрлерін терезелерден алысқа қойыңыз;
  • Баланы терезенің алдында тұруға және терезеден көшеде не болып жатқанын көруге үйретпеңіз, себебі бала сіз болмағанда оны қайталауы мүмкін;
  • Балаларға ересек адамдарсыз балконға шығуға рұқсат бермеңіз.

Төтенше жағдай туындаған жағдайда 112 телефоны бойынша құтқару қызметіне хабарласу қажет.