Салтанат Нүкенованың астрология жөніндегі жеке көмекшісі оның денесінен көгеру, тұншығу және арқан іздерін көргенін айтты.

Сот отырысында Анара Тасова үш жыл Салтанат Нүкенованың көмекшісі болып жұмыс істегенін айтты. Оның айтуынша, Салтанат Нүкенова бірнеше рет Қуандық Бишімбаевпен қарым-қатынасын үзуді, соның ішінде Шымкентте болған кезде де жоспарлаған.

"5 шілдеде сағат 8.00 шамасында оянып, сағат 4.00-дегі қабылданбаған қоңырауларды көрдім. Ол маған суретін жіберіп, чемоданмен қайда келуге болатынын, таңертең қай дәмханалар жұмыс істейтінін жазған. Мен не болып қалды деп алаңдадым. Сосын қоңырау шалып, 17.40-қа қарай алып кетейін деп жаздым. Ол бұл уақытта рейс екенін айтты", – Анара Тасова.

Осы уақытта ол Бишімбаевтың үйіне барған. Нүкенова чемодансыз шыққан. Көмекшісі Нүкенованың өте көңілсіз екенін байқаған.

"Оның жүзі тұңғиыққа батып кеткен болды. Мен таксиге отырдым, ол алдыңғы орынға отырды. Басымды Салтанатқа бұрып едім, оның сол жағында тұншығудың, арқанның ізі барын және сол жақ беті толығымен көгергенін көрдім. Мен бірден жаман нәрсе болғаны туралы ойладым", – деді Анара Тасова.

Оқи отырыңыз: "Қайтпасам, ол кек алады". Сотта Нүкенова мен құрбысының бір-біріне жазған хаттары оқылды

Көмекшісі Салтанат Нүкенованы көріп жылағысы келгенін айтты. Кейін дәмханада Салтанат Нүкенова көмекшісіне Қуандық Бишімбаевтың тиран екенін, оның үнемі қасында болып, әпкелерімен, құрбыларымен араласуға мүмкіндік бермейтінін айтқан.

Салтанат Нүкенованың денесінен соққы белгілерін көрген көмекшісі оған қайта беруді ұсынған. Сол кезде оған Қуандық Бишімбаев телефон соғып, Нүкенова бір минутта жиналып, кетіп қалған.