Теміртауда белгісіз біреулер жедел жәрдем көлігінің жүргізушісіне шабуыл жасап, ұрып-соғып, жеке заттарын ұрлап кеткен. Оқиғаның видеосы әлеуметтік желіде тарап жатыр.

Оқиға түнде көпқабатты үйдің ауласында болған. Сол кезде жедел жәрдем бригадасы қоңырауға келген.

"Бүгін олар біздің жедел жәрдем жүргізушісіне шабуыл жасады. Біраз заттар ұрлады. Қалтада заттарымыз бар еді, олар да ұрланған. Шабуылдаушылар ұсталды, қазір олар уақытша қамау изоляторында", – деді жәбірленушілер.

Қарағанды ​​облысының полиция департаментінің хабарлауынша, полицейлер ізін суытпай 25 және 29 жастағы екі күдіктіні ұстады. Шабуыл жасағандар уақытша ұстау изоляторына қамалды. Қылмыстық іс қозғалды. 45 жастағы жәбірленуші ауруханаға қаралды, бірақ жатқызылған жоқ.

Оқи отырыңыз: Алматыда жедел жәрдем қызметкерлеріне 12 шабуыл тіркелді