Су тасқынынан зардап шеккен Қостанай облысының тұрғындары Арқалыққа көшуді бастады, деп хабарлады облыс әкімдігі.

"Арқалық қаласының әкімдігінде қалаға көшуге және пәтер сатып алуға ниет білдірген Екідін және Қызылжұлдыз ауылдарының тұрғындарынан 24 өтініш келіп түсті. Бүгінгі таңда 24 пәтер сатып алуға шарттар жасалды, 16 сәуірде жалпы сомасы 317 миллион 183 мың теңгеге қаражат аударылды", – деп жазылған хабарламада.

Алғашқы тұрғындардың пәтерлерге келуі осы жылдың 17 сәуірінде басталды. Қалаға көшкісі келетін ауыл тұрғындарынан өтінімдерді қабылдау жалғасуда.

Оқи отырыңыз: Су тасқынынан зардап шеккен өңірлерде 500-ге жуық психолог жұмыс істеп жатыр