Астанада жаңа ауыз су станциясының (ССС-3) бірінші кезеңі іске қосылды. Бұл туралы қала әкімдігі хабарлады. 

Бұл қалаға тәулігіне 35 мың текше метр су беруге мүмкіндік береді, осылайша қаладағы су тапшылығы мәселесі толығымен шешіледі.

"Станцияның құрылыс-монтаждау жұмысы аяқталып, гидро сынақтар жүргізілді. Іске қосу-баптау жұмысы аяқталып, су дайындау жүйесіне тестілеу жүргізіліп жатыр. Тамыз айында ССС-3 екінші кезеңін бастау жоспарланып отыр, бұл бірінші кезеңімен бірге есептегенде тәулігіне 100 мың текше метрден астам су береді. Осыған дейін қалада су құбырының құрылысы аяқталып, іске қосылған, бұл судың қысымын арттыруға және жүйенің тұрақтылығын қамтамасыз етуге мүмкіндік берді, – делінген хабарламада. 

Оқи отырыңыз: Астана күнінде отшашу болмайды. Қалада 90-ға жуық тегін іс-шара өтеді

Бұған қоса Нұра жерасты су кен орнынан су құбырын жобалау және Телман елді мекеніндегі сорғы-сүзгі қуатын кеңейту жұмыстары аяқталып жатыр. Бұл жобалар келешекте Астананы ауыз сумен қамтамасыз ету бойынша қосымша қуат береді.

Әкімдіктің хабарлауынша, қаланы жылумен жабдықтаудың қосымша көлемімен қамтамасыз ету үшін екі газ жылу станциясының ("Тұран", "Оңтүстік-Шығыс") құрылысы жүріп жатыр. ЖЭО-3-те жұмыс жүргізілуде, оның құрылысы кешіктірілді. Бұл нысандарды жаңа жылыту маусымына дейін аяқтау жоспарланып отыр.

Оқи отырыңыз: Құрбан айт-2023: Астанада мал сою орындарындағы санитарлық талаптар қандай?