Елімізде Exeed модельді көліктері шығарылады. Сиань қаласында өткен Қазақстан мен Қытай өкілдері қатысқан дөңгелек үстелде Manufacturing пен Exeed International лицензиялық келісімге қол қойды. Бұл туралы kolesa.kz хабарлады.

Жылына 80 мың машина шығаратын зауыт құрылысы биыл басталады.

"Көлік өндірісі үшін Алматыдағы индустриялық аймақта жаңа кәсіпорын салынады. Кәсіпорын 2025 жылдан бастап Chery, Changan және Haval шығаратын Astana Motors мультибренді кешенінің жанында орналасуы мүмкін. Orbis Manufacturing жобасына 72 млрд теңге инвестиция бөлінді" – делінген ақпаратта.

Оқи отырыңыз: 4 пайыздық автонесие қашан басталады? Бағдарламаға көлік пен жалақы сомасына қатысты өзгерістер енгізіледі

Зауыт бастапқы уақытта 1500 адамға жаңа жұмыс орнын ашуға мүмкіндік береді.

"Мұнда мамандар VX, TXL және LX модельдерін құрастырады. Көліктер толық циклды (CKD) технология бойынша жасалады. Алғашқы машиналар 2025 жылы конвейерден түсу керек" – делінген ақпаратта.

Оқи отырыңыз: Қазақстанда конструктор-автокөліктерді заңдастыруға рұқсат берілді