Қажылық – 2026: Қазақстандықтарды Меккеге қандай әуе компаниялары тасымалдайды
Байқаудан отандық екі әуе компаниясы өтті.
Қазақстан мұсылмандары діни басқармасы 2026 жылы қазақстандықтарды қажылық сапарына апаратын әуе компанияларының тізімін жариялады.
Байқауға қазақстандық "Air Astana" және "Scat", сондай-ақ саудиялық "Flyadeal" және "Flynas", түркиялық "Turkish Airlines", кувейттік "Jazeera", БАӘ "Air Arabia" әуе компаниялары тиісті құжаттарын өткізсе, солардың ішінде "Air Astana" мен "Scat", саудиялық "Flyadeal" және кувейттік "Jazeera" әуе компанияларына таңдау жасалған.
"Қажыларымыз Астана, Алматы, Шымкент және Ақтау қалаларынан ұшаққа отырып, Жидда (Мекке маңындағы қала) және Медина қалаларына 12.05.2026 – 20.05.2026 жыл мерзімі аралығында жеткізіліп, 01-10.06.2026 жыл мерзімі аралығында елге қайтады деп жоспарлануда", – делінген ҚМДБ хабарламасында.