Қазақстанда шыққанына 20 жылдан аса уақыт өткен көліктердің саны 51 пайызға жетті, деп хабарлады Ұлттық статистика бюросы.

2023 жылғы 1 қаңтардағы жағдай бойынша Қазақстанда тіркелген автокөлік құралдарының саны 4 млн 449 мыңды құрады, оның:

  • 87,9 пайызы – жеңіл автомобильдер;
  • 10 пайызы – жүк автомобильдері;
  • 2,1 пайызы – автобустар.

Жалпы респбубликада 3 млн 696 мың жеңіл автокөлік жекеменшік иелігінде.

Оқи отырыңыз: 

Тіркеудегі көліктер арасында шығарылған жылы 20 жылдан асқан көлік саны басым. Ол барлық көліктің 51 пайызын құрайды. Ал, шыққанына 10 жылдан 20 жылға дейінгі көліктер –  21 пайыз, 7 жылдан 10 жылға дейінгілер – 14 пайыз, 3 жылдан 7 жылға дейінгілер – 6 пайызды құрайды. Көліктердің тек 8 пайызының ғана шыққанына 3 жылдан аз уақыт өткен.

Жеңіл автомобильдердің ең көп үлесі Алматы облысы (472,5 мың), Алматы қаласы (448,2 мың) және Шығыс Қазақстан облысында (272,9 мың).