Парламент «Қазақстан Президенті туралы» конституциялық заң жобасын екі оқылымда қарады.

Негізгі жаңашылдықтардың бірі – вице-президент лауазымының енгізілуі. Оны мемлекет басшысы Құрылтайдың келісімімен тағайындайды. Вице-президенттің өкілеттіктерін президент айқындайды.

Вице-президент мемлекет басшысының тапсырмасы бойынша Құрылтаймен, үкіметпен және басқа да мемлекеттік органдармен өзара іс-қимыл кезінде президенттің өкілі болады. Президент мерзімінен бұрын қызметінен кеткен жағдайда, оның өкілеттіктері вице-президентке өтеді.

Заң жобасында президенттің жеті жылдық бір реттік мерзімі, мемлекет басшысының партиясыз болуы және оның жақын туыстарының басшылық қызметтерді атқаруына тыйым салу нормалары сақталған. Сонымен қатар, президентке мынадай құқықтар беріледі:

  • Қазақстан Халық Кеңесінің құрамын бекіту; 
  • адам құқықтары жөніндегі уәкілді тағайындау; 
  • Құрылтай жұмыс істемейтін кезеңде заң күші бар жарлықтар шығару. 

Заң жобасы 15 наурызда қабылданған Конституцияны іске асыру аясында әзірленді.

Дауыс беру қорытындысы бойынша парламент заңды қабылдады. Құжат президенттің қол қоюына жолданды.

Оқи отырыңыз: