Екі тарап техникалық және кәсіптік білім беру саласында Қазақстан-Қытай ынтымақтастығын нығайту мәселелерін талқылады, деп хабарлайды Оқу-ағарту министрлігі.

Кездесуде қос дипломдық білім беру мен бірлескен білім беру бағдарламаларын жүзеге асыру, екі елдің студенттері мен оқытушыларының тағылымдамадан өтуі, колледждерді инновациялық дамыту бойынша бірқатар жобаны жүзеге асыру туралы айтылды.

"Бүгінде техникалық және кәсіптік білім беру ұйымдарында қазақстандық студенттердің 65%-ке жуығы тегін білім алып жатыр. Кәсіпорындардың тапсырысымен кадрларды мақсатты әзірлеу, сондай-ақ еліміздің әрбір макроөңірінің тапсырысы бойынша колледждерді бейіндеу жүргізіліп жатыр. Қазақстандық колледждер халықаралық аккредитациялаудан өтіп жатыр. Біз бұл бағыттағы жұмысты әлі де күшейтуді көздеп отырмыз", – деді Ғани Бейсембаев.

Оқи отырыңыз: Мемлекеттік қызметшілердің білімін жетілдіру бағдарламалары іске қосылды

Еске салайық, Қазақстанда 772 колледжде 540 мыңнан астам студент білім алып жүр. Кейінгі бес жыл ішінде мемлекеттік тапсырыс көлемі екі есеге жуық артты, оның 70 пайызы техникалық мамандық бойынша.