"Қазгидромет" РМК 17 сәуірге арналған ауа райы болжамын жариялады.

Синоптиктердің мәліметінше, елімізде кезекті солтүстік-батыс циклоны мен атмосфералық фронттардың әсерінен тұрақсыз ауа райы күтіледі.

Көптеген өңірлерде жаңбыр, кей жерлерде қар жауады. Ал батыс пен орталық аймақтарда антициклон жотасының ықпалынан күн ашық, жауын-шашынсыз болады.

Республика бойынша желдің күшеюі болжанған. Оңтүстік өңірлерде тұман түсіп, шаңды дауыл болуы мүмкін.

Түнгі уақытта кейбір аймақтарда 1-3 градус үсік күтіледі. Атап айтқанда:

  • Ақмола облысының солтүстік-батысы;
  • Ақтөбе облысының солтүстігі;
  • Қостанай облысының батысы мен шығысы;
  • Солтүстік Қазақстан облысының батысы мен солтүстігі;
  • Қарағанды мен Шығыс Қазақстан облыстарының солтүстігі мен шығысы;
  • Алматы облысының шығысы мен таулы аудандары;
  • Жетісу облысының солтүстігі мен орталығы;
  • Жамбыл облысының оңтүстігі.

Осы аймақтарда топырақ бетінде үсік жүруі мүмкін.