"Қазгидромет" РМК синоптиктері 2 қазанға арналған ауа райы болжамын жариялады.

Солтүстік Қазақстан, Ақмола, Павлодар облыстарында және Астана қаласында бұлтты және құбылмалы ауа райы күтіледі. Түнде жауын-шашын (негізінен жаңбыр, кейде қар) жаууы мүмкін, ал күндіз кейбір жерлерде жаңбыр жауады. Бұл өңірлерде желдің күшеюі байқалады. Ауа температурасы түнде +2...+5°C, күндіз +5...+8°C шамасында болады.

Қарағанды мен Көкшетау маңында да жаңбыр аралас қар жауып, жел күшейеді. Жезқазғанда ауа райы ашық болады, бірақ түнгі уақытта аяз болуы ықтимал (-1...-3°C), күндіз ауа температурасы +13...+15°C-қа дейін көтеріледі.

Батыс өңірлер – Ақтау, Атырау, Ақтөбе және Орал қалаларында жауын-шашын болмайды. Күн ашық немесе аздаған бұлтты, температура +13...+20°C аралығында жылы болады. Түнде Атырау мен Ақтауда салыстырмалы түрде жылы (+2...+11°C), ал басқа аймақтарда суықтау.

Оқи отырыңыз: Футболдан Қазақстан ұлттық құрамасының уақытша бас бапкері тағайындалды

Оңтүстікте – Шымкент, Түркістан, Қызылорда және Таразда ауа райы көбінесе ашық, бірақ кей жерлерде (әсіресе Тараз бен Шымкентте) түнде жаңбыр жауып, тұман мен көктайғақ болуы ықтимал. Күндіз температура +15...+20°C аралығында.

Алматы, Талдықорған, Қонаев қалаларында және Шығыс Қазақстан өңірінде бұлтты және құбылмалы күн райы күтіледі. Алматыда түнде жауын жаууы мүмкін, ал Шығыс Қазақстанда (Семей, Өскемен) күндіз жаңбыр жауады. Ауа температурасы күндіз +6...+14°C, ал түнде -1...+5°C аралығында.