"Қазгидромет" РМК-ның мәліметінше, 2-4 қыркүйек аралығында Қазақстанның басым бөлігінде ауа райы салқын, әрі жауын-шашынды болады.

"Қазақстанның солтүстігінде, шығысында және орталығының кейбір аумағында жаңбыр жауады. Жетісу, Алматы облыстарының таулы аймақтарында жаңбыр, бұршақ жауып, найзағай ойнайды және екпінді жел соғуы мүмкін", – деп жазылған хабарламада.

Оқи отырыңыз: Видеограф Әділет Рахметолла: "Қазақстан табиғатының жарнамасы аз"

Еліміздің батысында ғана жауын-шашынсыз ауа райы болады. Республиканың басқа аймақтарында түнде 5-12 градус, күндіз 13-20 градус жылы болмақ. Таулы аймақтарда түнде ауа температурасы 0-5 градусқа дейін төмендеп, қар жаууы ықтимал.