Қазақстанда халықтың әлеуметтік осал санатының құқықтары жөніндегі уәкіл институтын құрылады. Бұл туралы президент Қасым-Жомарт Тоқаевтың қаулысы жобасында жазылған.

"Уәкілдің негізгі мақсаттары осы жарлыққа қосымшада көрсетілген халықтың әлеуметтік жағынан осал санаттарының құқықтары мен заңды мүдделерінің кепілдіктерін қамтамасыз ету, сондай-ақ мемлекеттік және қоғамдық институттарымен өзара іс-қимылда олардың құқықтары мен бостандықтарын қалпына келтіру болып табылады деп белгіленсін", – деп жазылған қаулыда.

Оқи отырыңыз: Қандастарға мемлекеттен қандай көмектер беріледі?

Уәкіл институты қорғайтын адамдардың 10 санаты айқындалған:

  1. Ұлы Отан соғысының ардагерлері;
  2. жеңілдіктері бойынша Ұлы Отан соғысының ардагерлеріне теңестірілген ардагерлер;
  3. басқа мемлекеттердің аумағындағы ұрыс қимылдарының ардагерлері;
  4. мүгедектігі бар адамдар;
  5. мүгедектігі бар балалары бар немесе оларды тәрбиелеп отырған отбасылар;
  6. атаулы әлеуметтік көмек алушылар;
  7. асыраушысынан айрылу бойынша жәрдемақы алушылар;
  8. жасына қарай зейнет демалысына шыққан зейнеткерлер;
  9. қандастар;
  10. "Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен наградталған көпбалалы аналар, көпбалалы отбасылар жатады.

Оқи отырыңыз: Көпбалалы отбасыларға қандай әлеуметтік қолдау көрсетіледі және шарттары қандай?

Қаулы жобасы 27 қаңтарға дейін қоғам талқысына ұсынылған.