"Алматы жылу жүйесі" ЖШС жылыту маусымында жиі кездесетін жағдайдың себебін түсіндірді: батареялар ыстық болғанымен, пәтер іші салқын болып қала береді.

Мамандардың айтуынша, негізгі себептердің бірі – ғимараттың қоршау құрылымдары арқылы болатын жылу шығыны. Қабырға, шатыр, терезе ойықтары мен панельаралық жіктер жеткілікті деңгейде оқшауланбаған жағдайда, жылу энергиясының 60–70%-ға дейіні сыртқа кетуі мүмкін. Типтік тұрғын үйлерге жүргізілген тепловизиялық зерттеулер де осыны көрсеткен. Мұндай жағдайда жылыту жүйесіндегі жылутасығыш температурасын арттыру пәтердің нақты жылынуына әрдайым әсер ете бермейді.

Мамандар жылу шығынының артқанын білдіретін негізгі белгілерді атады:

  • сыртқы қабырғалар мен бұрыштардың салқындауы;
  • терезелер мен еңістерде конденсаттың пайда болуы;
  • ылғалдану немесе көгеру;
  • ұқсас, бірақ жылы үйлермен салыстырғанда жылуға кететін шығынның жоғары болуы.

Оқи отырыңыз: Алматыда шатырларды қар мен мұздан тазалауға байланысты бақылау күшейді

"Жылу ғимараттан бірнеше жолмен шығады: жылуөткізгіштік (қабырға, терезе, шатыр, еден арқылы), конвекция (суық беттер маңындағы ауа айналымы) және жылулық сәулелену арқылы. "Алматы жылу жүйесі" жылу шығынын азайту шараларын жылыту маусымынан тыс кезеңде жүргізуді ұсынады. Олардың қатарында қасбет пен шатыр асты жабындарын жылылау, панельаралық жіктерді герметизациялау, энергия үнемдейтін терезелер орнату және кіреберіс топтарын тығыздау бар", – делінген хабарламада.

Мамандар тұрғындарға үйдің техникалық жағдайын бағалау және жаңғырту жұмыстарын жоспарлау үшін басқарушы компанияларға, ПИК немесе МИБ ұйымдарына жүгінуге кеңес береді.