ҚР Сыбайлас жемқорлыққа қарсы іс-қимыл агенттігі мұғалімдердің 1 қыркүйекте және басқа да мерекелерде гүл мен сыйлықтарды қабылдауға болатындығын мәлімдеді.

Сыбайлас жемқорлыққа қарсы іс-қимыл агенттігінің мәліметінше, мұғалімдерді қылмыстық кодекстің 366-бабы "Пара алу" бойынша жауапқа тартуға болмайды, өйткені олар мемлекеттік функцияларды орындауға уәкілетті немесе соған теңестірілген, жауапты мемлекеттік қызмет атқаратын немесе лауазымды адамдар болып табылмайды.

Бұл ретте қылмыстық кодексте мұғалімдерге қатысты 247-бап ("Заңсыз сыйақы алу") бар.

Оқи отырыңыз: Бір оқушыны мектепке дайындауға 100 мың теңге жете ме? Алматы жәрмеңкелерінен фоторепортаж

"Егер мұғалім өзінің қызметтік өкілеттігіне байланысты қандай да бір іс-әрекеттерді сыйлаушының пайдасына жасамаса, 1 қыркүйекке оқушылардың, ұжымның, үшінші тұлғалардың мұғалімдерге сыйлықтар, оның ішінде гүл шоқтарын сыйға тартуына тыйым салынбайды. Егер құны 5 АЕК-тен (18 460 теңге) асатын гүлдерді және сыйлықты сыйға тартылған адамның донордың пайдасына жасаған іс-әрекеттері арасында себеп-салдарлық байланыс орнатылса, онда мұндай сыйлықты, гүлдерді сыйға тарту ҚК-нің 247-бабы бойынша мұғалімнің қылмыстық жауапкершілігіне әкеп соғуы мүмкін", – деді агенттік Informburo.kz сауалына берген жауабында.

 Айта кетейік, білім министрі Ғани Бейсембаев гүл ұстазға ең жақсы сыйлық екенін айтқан болатын.