Қасым-Жомарт Тоқаев Shymkent City саябағына ағаш отырғызды, деп хабарлады Ақорда.

Жаңа саябақтың аумағы 20 гектардан асады. Онда сейілдеуге және мәдени-көпшілік іс-шаралар өткізуге барлық жағдай жасалған. Субұрқақты жасанды тоған, амфитеатр, ландшафтты аллеялар, воркаут және скейт алаңдары бар.

Фото: Ақорда

Алдағы жылдары экологиялық жағдайды жақсартып, қала тұрғындарына қолайлы орта қалыптастыру үшін 1 миллион түптен астам ағаш отырғызылмақ. Шаһардағы 12 саябақты абаттандыру, сондай-ақ гүлзарларды, Қошқар ата өзенінің жағалауы мен арықтарды тазалау жұмыстары жүргізіліп жатыр. Бұрынғы қоқыс полигонының орнында Экопарк құрылысы қолға алынды.

Айта кетейік, президент Шымкент қаласында іссапарда жүр.