"ҚазАвтоЖол" ұлттық компаниясы республикалық маңызы бар автожолдардағы қазіргі жағдай туралы мәлімет таратты. Қолайсыз ауа райына байланысты бірқатар облыста барлық көлік түрінің қозғалысына уақытша шектеу қойылды.

Маңғыстау облысында республикалық маңызы бар "Доссор – Құлсары – Бейнеу – Сайөтес – Шетпе – Жетібай – Ақтау" автожолының 332–632 шақырым аралығында, яғни Бейнеу елді мекенінен Шетпеге дейінгі бөлігінде қозғалыс тоқтатылды.

Ақтөбе облысында екі бірдей бағытта шектеу енгізілді. Атап айтқанда:

  • "Қостанай – Рудный – Денисовка – Комсомольское – Қарабұтақ" автожолының 0–234 шақырым аралығында (Қарабұтақ ауылынан Қостанай облысының шекарасына дейін);
  • "РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы" автожолының 965–1240 шақырым аралығында (Қарабұтақ ауылы – Қызылорда облысының шекарасы).

Қостанай облысында "Қостанай – Рудный – Денисовка – Комсомольское – Қарабұтақ" автожолының 234–385 шақырым аралығында, Ақтөбе облысының шекарасынан Денисовка елді мекеніне дейін қозғалыс шектелді.

Қызылорда облысында "РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы" автожолының 1240–1362 шақырым аралығындағы учаскесінде, яғни Ақтөбе облысының шекарасынан Арал қаласына дейін көлік қозғалысы тоқтатылды.

Оқи отырыңыз: "ҚазАвтоЖол": Қазақстан жолдарында 5 күнде 177 рет қозғалыс шектелді

"ҚазАвтоЖол" жүргізушілерді жолға шығар алдында ауа райы болжамын және жол жағдайын алдын ала тексеруге шақырады.