Италия премьер-министрі Джорджа Мелони елдегі су тасқынынан кейін Астанаға жұмыс сапарымен келмейтін болды, деп хабарлады Қазақстан президентінің баспасөз хатшысы Руслан Желдібай.

Эмилия-Романья аймағында болған жойқын су тасқыны салдарынан көптеген адамның қаза табуына байланысты Италия Премьер-министрі Джорджа Мелони табиғат апатынан зардап шеккен өңірлерге бару үшін Хиросимада өтіп жатқан G7 саммитіне соңына дейін қатыспай, еліне қайтып барады.   

Оқи отырыңыз: Тоқаев Жоғары Еуразиялық экономикалық кеңестің Мәскеуде өтетін кезекті отырысына қатысады

Келіп түскен мәлімет бойынша, Италияның солтүстігінде кем дегенде 40-тан астам елдімекен су астында қалып, 20 мыңнан астам адам баспанасынан айырылды. 

Осы себепке байланысты Италия Үкіметі басшысының Астанаға алдын жоспарланған жұмыс сапары болмайды. Италия тарапы Президент Қасым-Жомарт Тоқаев пен Джорджа Мелонидің телефон арқылы сөйлесуін ұйымдастыруды сұрады.