Бұрынғы ұлттық экономика министрі Әлібек Қуантыров Kazenergy қауымдастығының бас директоры болып тағайындалды. Бұл қызметте ол Кенжебек Ибрашевті алмастырды, деп хабарлады petrocouncil.kz. 

Әлібек Қуантыров. Фото: Информбюро

Әлібек Қуантыров 1983 жылы Атырау қаласында туған.

Томск мемлекеттік университетін, Мичиган университетін бітірген.

Еңбек жолын 2005 жылы ҚР Экономика және бюджеттік жоспарлау министрлігінде жетекші маманның м.а. болып бастады.

2005-2010 жж. — ҚР Экономика және бюджеттік жоспарлау министрлігінде түрлі лауазымдарда жұмыс істеді.

2010-2013 жж. — ҚР Қаржы министрлігінің Бюджеттік жоспарлау және болжамдау департаменті директорының орынбасары.

2013 ж. — ҚР Индустрия және жаңа технологиялар министрлігінің Геология және жер қойнауын пайдалану комитеті төрағасының орынбасары.

2013-2019 жж. — ҚР Президент әкімшілігінде түрлі қызметтер атқарды.

2022-2024 жылдар аралығында ол ұлттық экономика министрі қызметін атқарды.