Бішкек қалалық кеңесі қала тұрғындарының күндізгі уақытта үйінен қоқыс шығаруына тыйым салатын қаулыны қабылдады. Оның жаңа мәтініне сәйкес, Бішкек тұрғындарына қатты тұрмыстық қалдықты үйінен шығаруға тек сағат 18:00-ден 24:00-ге дейін рұқсат етіледі. 

"59-тармақтың 1-тармақшасына сәйкес, қатты тұрмыстық қалдықтарды шығару тек сағат 18:00-ден 24:00-ге дейін рұқсат етіледі. Барлық жеке және заңды тұлғалар, соның ішінде жеке тұрғын үй иелері мен көпқабатты тұрғын үйлердің тұрғындары осы талапты сақтауға міндетті. 67-тармаққа сәйкес, қоқысты (күл, ағаш бұтақтары, құрғақ шөп және т.б.) контейнер алаңдарына және олардың маңайына тастауға және жинауға тыйым салынады", – делінген қала мэриясының ресми хабарламасында. 

Сондай-ақ, жаңа талаптарға сәйкес, таңғы 7.00 мен 10.00 аралығында қала ішінде жүк көліктерінің жүруіне тыйым салынған. Бұл талаптың азық-түлік, медициналық тауарлар таситын көліктерге, арнайы қызмет транспортына қатысы жоқ. 

Оқи отырыңыз: