Астанада қала тұрғыны өзін полиция қызметкері ретінде таныстырып, алаяқтық жасаған. Бұл туралы бас прокуратура хабарлайды. 

"Ол жүргізуші куәлігін алуға және автокөлікті қайта рәсімдеуге жәрдем беремін деп алаяқтық жолмен таныстарын және жәбірленушілерді алдаған. Жәбірленушілерден 1 миллион теңгеден астам қаражат алып, өз міндеттемелерін орындамаған және ақшаны өз қалауынша жұмсаған", – делінген хабарламада.

Мемлекеттік айыптаушы сотқа сотталушының бірнеше рет ауыр санаттағы қылмыстық құқық бұзушылық жасағанын дәлелдейтін айғақтарды ұсынды.

Оқи отырыңыз: Алматыда синтетикалық есірткі таратып жүрген жас жігіт ұсталды

Кінәсін толық мойындауын және залалды өтеуін ескере отырып, сот үкімімен оған үш жылға бас бостандығын шектеу жазасы тағайындалып, пробациялық бақылау белгіленді.

Үкім заңды күшіне енді.