Антикор "Айка тізімі" бойынша қылмыстық істі тергеп жатыр. Бұл туралы Астанада өткен брифингте Сыбайлас жемқорлыққа қарсы іс-қимыл агенттігінің ресми өкілі Данияр Биғайдаров айтты.

"Қылмыстық істің Астана қаласы бойынша департаментінде тергеу сатысында екенін растаймыз. Қазіргі уақытта бұл іс бойынша барлық фактілер тексеріліп жатыр. Ақпарат жаңартылса, хабарлаймыз", – деді Антикор.

Желтоқсан айында интернетте қазақстандық эскорт қыздардың клиенттерінің жеке деректері көрсетілген "Айка тізімі" жарияланды. Ішкі істер министрлігі ақпараттың таралу фактісі бойынша қызметтік тексеруді бастады, бірақ кейін бұл мәселені Сыбайлас жемқорлыққа қарсы іс-қимыл агенттігі қолға алды.

Оқи отырыңыз: Өңірлік кадр резервіне іріктеу мерзімдері өзгерді

"Айканың" өзіне (жезөкшелер үйін ұйымдастырушы) қатысты іс те тергеліп жатыр. Кездесулер жабық есік жағдайында өтеді.