Алматыда зираттағы бос орындарды енді үйден шықпай-ақ анықтап, алдын ала брондауға болады. Бұл қызметті қала тұрғындары Orynai сервисі арқылы пайдалана алады, деп хабарлады 31 арнаның Информбюро ақпараттық бағдарламасы

Сайтқа кірген бойда екі батырма көрінеді: "Маманға қоңырау шалу" арқылы оператормен байланысуға болады, ал "Жерлеуді ұйымдастыру" батырмасы зираттардың толық тізіміне апарады. Қызмет картадағы әр жерді көрсетеді: сұр тіктөртбұрыштар – толтырылған орындар, қоңыр – резервтелген, жасыл – бос орындар. Тұрғындар қалаған орнын таңдап, ақшасын төлеп алдын ала брондай алады.

Алматыда жалпы 70 зират бар, бірақ олардың тек тоғызы жерлеуге ашық, қалғандарына қазіргі уақытта рұқсат жоқ. Онлайн жүйе зираттағы орындардың нақты жағдайын бақылауға мүмкіндік береді және жерлеу рәсімін жоспарлауды жеңілдетеді.

Оқи отырыңыз: Қазақстан зираттарының цифрлық платформасы жыл соңына дейін іске қосылады