Алматы қаласында ерекше қажеттілігі бар тұрғындар республикалық референдум өтетін күні сайлау учаскелеріне бару үшін "Инватакси" қызметін тегін пайдалана алады. Қалалық Алматы қаласының Жұмыспен қамту және әлеуметтік бағдарламалар басқармасы бұл қызметті тұрғындардың сайлау учаскелеріне кедергісіз жетуін қамтамасыз ету мақсатында ұйымдастырып отыр.

"Инватакси" қызметі арбамен қозғалатын және тірек-қимыл аппараты бұзылған азаматтарға, сондай-ақ көру қабілеті бұзылған адамдарға арналған. 

"Референдум күні қалада барлығы 170 "Инватакси" автокөлігі жұмыс істейді. Оның ішінде 36 арнайы жабдықталған көлік және 2020 жылдан ерте шығарылмаған 134 жеңіл автокөлік бар. Сонымен қатар мүмкіндігі шектеулі азаматтарға қызмет көрсету үшін қосымша 20 кезекші көлік тартылады. Қызметке арнайы диспетчерлік нөмірлер арқылы тапсырыс беруге болады", – делінген хабарламада.

Арбамен қозғалатын және тірек-қимыл аппараты бұзылған азаматтар үшін:

+7 707 710 60 50
+7 747 195 35 75
+7 747 402 64 15

Көру қабілеті бұзылған азаматтар үшін:

+7 727 338 32 78
+7 705 980 87 09
+7 705 831 48 14

Сонымен қатар референдум күні кезекші автокөлікті +7 700 151 07 01 немесе 338-30-09 нөмірлері арқылы шақыруға болады.

Оқи отырыңыз: Алматыда референдум күні қоғамдық көліктер тегін қатынайды

Тұрғындар осы байланыс нөмірлері арқылы "Инватакси" қызметінің сапасына қатысты сұрақтар немесе тасымалдау барысында туындаған мәселелер жөнінде де хабарлай алады. Бұл шаралар азаматтардың еркін қозғалуын қамтамасыз етуге және республикалық референдумға қатысу үшін баршаға тең мүмкіндік жасауға бағытталған.