Air Astana әуе компаниясы Ақтөбеден Алматыға шыққан ұшақтың кешігуіне қатысты түсініктеме берді.

"16 тамызда Airbus A321 ұшағын сүйрету кезінде шассидің тұмсық тірегіндегі бекітпе зақымданған. Ақтөбе-Алматы бағыты бойынша КС866 рейсі алдымен 17 тамызға дейін кешіктіріліп, кейін тоқтатылды. Жолаушыларға билет құнын айыппұлсыз қайтару ұсынылды", – делінген ақпаратта. 

Оқи отырыңыз: Қызылордада жарылыс кезінде күйік шалған 2 бала тікұшақпен Алматыға жеткізілді

Ұшақты жөндеу үшін жолаушыларды қалдырып Астанаға жеткізу туралы шешім қабылданған. Алайда, елорда әуежайының түнгі уақытта жабылуына байланысты әуекомпания рейсті 19 тамызға қалдыруға мәжбүр болған. 

"Ақтөбеде ұшақтың зақымдануы басқа да ондаған рейстердің кешігуіне әкелді", – делінген хабарламада.