Air Astana әуе компаниясы 4 қазаннан бастап Алматы – Лондон бағытындағы тікелей рейстерді қайта іске қосады. Бұған дейін бұл бағыттағы рейстер Ақтауда техникалық мақсатта аялдау арқылы орындалып келген. 

"Air Astana Airbus-пен серіктесіп, Airbus A321LR ұшағына қосымша отын бактарын орната отырып, өзінің алыс магистральді рейстерінің тиімділігін арттырады. Бұл техникалық аялдауларсыз алыс қашықтыққа қонбай ұшуға мүмкіндік береді", – делінген әуе компаниясының хабарламасында. 

Жаңғырту жұмыстары Алматыдан Лондонға ұшу ұзақтығын 1,5 сағатқа азайып, сапар енді 9 сағат 35 минутты құрайды. 

"Бұл  операциялық тиімділікті арттыру бойынша Air Astana-ның ұзақ мерзімді стратегиясына сәйкес келеді. Ол барлық қажетті техникалық аспектілер мен қауіпсіздік аспектілерін қамтиды, жолаушыларға алыс магистральдық рейстер үшін неғұрлым қолайлы жағдайды қамтамасыз етеді және әуекомпанияның операциялық көрсеткіштерін жақсартады", – деп хабарлады Air Astana баспасөз қызметі. 

Оқи отырыңыз: Қазақстаннан қандай елдерге тікелей әуе рейсімен жетуге болады? Информбюро тізімі