Жетісу облысында тағы да жер сілкінісі тіркелді. Бұл туралы Қазақстан Төтенше жағдайлар министрлігі хабарлады.

Ведомствоның мәліметінше, жер дүмпуі бүгін Астана уақытымен сағат 13:23-те болған. Эпицентрі Алматы қаласынан солтүстік-шығысқа қарай 267 шақырым жерде, Қазақстан аумағында орналасқан. Сілкініс Жаркент қаласында 2 балл деңгейінде сезілген.

Оқи отырыңыз: Жетісу облысында жер сілкінді, қуаты – 2 балл

Айта кетейік, бұған дейін бүгін сағат 11:11-де де өңірде жер сілкінісі тіркелген. Оның эпицентрі Алматыдан солтүстік-шығысқа қарай 273 шақырым жерде орналасып, қуаты да шамамен 2 балл болған.

Сонымен қатар, сейсмологтар 31 наурызға қараған түні де осы аймақта жер асты дүмпулері тіркелгенін хабарлады.