"Хабар" телеарнасы КСРО халық әртісі Роза Бағланованың өміріне арналған тарихи "Бұлбұл" телехикаясының тұсаукесерін ұсынбақ. 

2022 жылдың 1 қаңтарында әншінің туғанына 100 жыл толады. 

"Бұлбұл" телехикаясы – ұлы тұлғаның өмірінен сыр шертетін заманауи байопик канондарына құралған биографиялық картина. Роза Бағланова өмірінің негізгі тұстарын ашатын тарихи бөлімі де бар. Шығармашылықтан тыс өмірі де көрсетілген.

"Бұл күндер өте ауыр, бірақ өте қызықты өткен еді. Карантинға байланысты түсірілімді кейінге шегеріп жүрдік. Бірақ ештеңеге қарамастан сериалды Ташкентте де, Минскіде де, Алматыда да түсірдік. Декорация, сахналық костюмдер таңдау және безендіру бойынша көп жұмыс жасалды. Тіпті базар аралап, әжелерден сатып алып та жүрдік", – деді бас продюсер Гүлнұр Мамасарипова. 

Аталған жобаның режиссері – Санжар Омаров, операторы – Қаршыға Оспанова. Басты рөлдерді Зарина Жәкенова мен Дархан Сүлейменов сомдайды. 

Еске салсақ, "Жусан" операциясымен елге оралғандардың өмірі комиксте суреттелгені туралы хабарлаған едік. Комикспен TikTok және Instagram әлеуметтік желілерінде, сондай-ақ, интернет-порталдарда танысуға болады.