Биыл наурызда Нұр-Сұлтан әкімдігі мен "Қазақстан ипотекалық компаниясы" АҚ арасында коммуналдық тұрғын үйге мұқтаждар есебінде тұрған, әкімдікке бағынышты білім беру, денсаулық сақтау, мәдениет, спорт, әлеуметтік қызметкерлер, полиция департаменті және төтенше жағдайлар департаментінде жұмыс істейтін қызметкерлер үшін сатып алу құқығы бар жалдамалы тұрғын үйлерді сату туралы келісімге қол қойылған болатын.

Нұр-Сұлтан әкімдігінің "Тұрғын үй қоры" КММ түгендеу және есепке алу бөлімінің маманы Ақнұр Мақсатқызы биыл қалалық Тұрғын үй коммуналдық мекемесі бағдарлама шеңберінде 244 пәтерге өтініш қабылданғанын хабарлады.

Оқи отырыңыз: Баспана кезегіне тіркелу үшін не білу керек?

Өтініш қабылдау 28 қыркүйектен бастап 7 қазан аралығында жүргізілді. Осы уақыт аралығында 4 635 азаматтан өтініш түсті:

  • білім беру саласы – 2 030;
  • денсаулық саласы – 723;
  • мәдениет саласы – 239;
  • спорт саласы – 284;
  • әлеуметтік қызметкерлер – 668;
  • полиция департаменті – 613;
  • төтенше жағдай департаменті – 308.

"Сонымен қатар, халықтың әлеуметтік осал топтарына жататын азаматтардан, ата-анасының қамқорлығынсыз қалған балалар мен көпбалалы отбасылардан өтініш қабылданды. Қазіргі уақытта өтініштер қарастырылуда", – деді Ақнұр Мақсатқызы.

Өтініштерді тиісті министрліктер мен басқармалар қарастырады. Бұл жұмыс нәтижесінде жасалған тізім өтініш иелерінің төлем қабілеттін анықтау үшін Қазақстан ипотекалық компаниясына жіберіледі. Әлеуетті жалға алушылар төлем қабілеті бойынша талаптарға сәйкес келген жағдайда, ҚИК олардың тізімін қайтадан министрліктер мен басқармаларға жолдап, сонымен қатар компания сайтында жариялайды.

Оқи отырыңыз: Көп балалы отбасыларға үй беріле бастады. Жалдамалы үйлер мен 2% несиені алу үшін қойылатын талаптар

Төлем қабілетін бағалаудан өту үшін қажетті құжаттар:

  • Өтініш беруші мен кепілгердің жеке куәліктерінің түпнұсқалары және көшірмелері;
  • Жалға алушы мен кепілгердің (кепілгер тартылған жағдайда) неке қию, некені бұзу туралы куәліктерінің, жұбайының/зайыбының (жұбайы/зайыбы болған кезде) қайтыс болуы туралы куәліктің түпнұсқасы мен көшірмесі; неке тіркелмегені туралы актілік жазба (некеге тұрмаған жағдайда);
  • Жалға алушы балаларының туу туралы куәліктерінің түпнұсқалары мен көшірмелері;
  • Өтініш беруші мен Кепілгердің жұмыс орнынан лауазымы, жұмыс өтілі туралы анықтамалардың түпнұсқалары (тіркелген күні мен нөмірін көрсете отырып);
  • Өтініш беруші мен Кепілгердің жұмыс орнынан құжаттарды тапсыру айының алдындағы соңғы алты айдағы жалақысы туралы анықтамалардың түпнұсқалары;
  • Өтініш беруші мен Кепілгердің құжаттарды берген айдың алдындағы соңғы 12 айдағы өзге де кірістерін растайтын құжаттардың түпнұсқалары мен көшірмелері. Толық емес жұмыс күнімен немесе толық емес жұмыс күнімен жұмыстан түскен табыс туралы ақпарат, егер соңғы 12 ай ішінде табыс алғандығы туралы растау ұсынылған жағдайда пайдаланылуы мүмкін. Жыл сайынғы бонустар, егер оның жұмыс берушісі өтініш берушінің соңғы 2 жыл ішінде оларды алғанын растауды ұсынса, өтініш берушінің төлем қабілеттілігін анықтау кезінде назарға алынуы мүмкін;
  • Өтініш беруші мен Кепілгердің құжаттарды берген айдың алдындағы соңғы 6/12 айдағы зейнетақы аударымдары туралы үзінділердің түпнұсқалары;
  • ҚР заңнамасына сәйкес босатылған зейнетақы аударымдары болмаған кезде анықтамада көрсетілген табыстарды қосымша растау ретінде карт-шоттан үзінді-көшірмені ұсыну қажет.

Кепілгер ретінде әрекет ететін жеке кәсіпкерлер қосымша мынадай құжаттарды ұсынуы қажет:

  • ЖК мемлекеттік тіркеу туралы куәлік / Талон
  • кемінде 3 (үш) жыл қызметін растайтын құжаттар (патент, лицензия, сертификат, нотариаттық Палатадан, адвокаттар алқасынан анықтама және т.б.);
  • мемлекеттік органдардың қабылдау туралы белгісі бар соңғы 3 (үш) жыл үшін декларацияның 240 формасы (жылдық);
  • мемлекеттік органдардың қабылдау туралы белгісі бар соңғы 3 (үш) жыл үшін декларацияның 200 формасы (тоқсандық);
  • мемлекеттік органдардың қабылдау туралы белгісі бар соңғы 3 (үш) жыл үшін декларацияның 910 формасы (жартыжылдық);
  • Мемлекеттік кірістер органының соңғы 3 (үш) жылдағы салық есептілігін қабылдағаны/қабылдамағаны туралы хабарлама;
  • кредиттік өтінімді қарау сәтінде салық берешегінің жоқ (бар) екендігі туралы мәліметтер;
  • соңғы 3 (үш) жыл үшін салықтардың, міндетті зейнетақы аударымдарының төленгенін растайтын құжаттар (түбіртектер, төлем тапсырмалары, банктің белгісі бар шот бойынша үзінді көшірме).

Оқи отырыңыз: Тұрғын үй бағдарламалары көбейді. Биыл баспаналы болудың 11 мүмкіндігі

Бағдарлама талаптары:

  1. жалдау мерзімі аяқталғаннан кейін тұрғын үй жалға алушының меншігіне өтеді;
  2. сатып алумен жалға беру мерзімі – 20 жыл;
  3. бастапқы жарна қажет емес;
  4. жалға берілетін тұрғын үйді мерзімінен бұрын сатып алу мүмкіндігі;
  5. табысы жетпеген жағдайда кепілгерді тарту мүмкіндігі.

Кепілге салынған тұрғын үйді соттан тыс мәжбүрлі тәртіппен немесе ҚР заңнамасында көзделген тәртіппен сот шешімі бойынша өткізу жағдайларын қоспағанда, бағдарлама қатысушысы сатып алу-сату шарттары бойынша тұрғын үйді сатып алған күннен бастап екі жыл ішінде оны иеліктен шығаруға жол берілмейді.