Мәселенің мәні. Алматы қалалық Кәсіпкерлік және инвестициялар басқармасының басшысы Еркебұлан Оразалин Никольск базарының орнына көпқабатты тұрғын үй салынатынын айтты. Бұған дейін бұл аумақта сауда орны салынады деп жоспарланған болатын.

"Никольск базары осы жылдың сәуір айына дейін ғана жұмыс істейді. Бүгінде онда 170-ке жуық кәсіпкер сауда жасайды. Былтыр қазан айында олардың барлығына сәуір айына дейін орынды босату туралы ескертілген. Қазірдің өзінде кәсіпкерлердің 20-30 пайызы басқа орындарға кетіп жатыр", – деді Еркебұлан Оразалин.

Саудагерлерге Алмалы ауданындағы Жұлдыз, Барыс-4 базарларынан орын табуға көмек беріліп жатыр.

Базардың орнына көпқабатты үй салынады. Базар орналасқан жердің иесі нысанның бастапқы мәнін өзгерту туралы шешім қабылдаған. Тұрғын үй жобасы әзірге дайын емес. Дегенмен, тұрғын үйді салуға меншік иесіне үш жыл мерзім беріледі.

Қалада жеті базар қайта құрылады. Алматы қалалық Кәсіпкерлік және инвестициялар басқармасының хабарлауынша, 2020 жылы Алматыда жеті базарды қалпына келтіру жоспарланған. Сарыарқа, Арыстан, Тұлпар, Үшқоңыр, Береке, Өжет базарларының жобасы дайын. Автобөлшектер сатылатын Жібек Жолы базарына қатысты мәселелер әлі толық шешілмеген.

Следите за самыми актуальными новостями в нашем Telegram-канале и на странице в Facebook

Присоединяйтесь к нашему сообществу в Instagram

Если вы нашли ошибку в тексте, выделите ее мышью и нажмите Ctrl+Enter