Халық санағы 1 қыркүйекте басталады. Сұрақтарға онлайн жауап беруге болады

Интервьюерлер қазан айының соңғы екі аптасында үй-үйді аралайды.

"1 қыркүйек пен 15 қазан аралығында санақ аясында барлық сұрақтарға онлайн режимінде жауап беруге мүмкіндік беретін Ұлттық статистика бюросының sanaq.gov.kz арнайы сайты ашылады. Қазанның соңғы екі аптасында интервьюерлер үйлерді аралайды, сонымен қатар планшеттерді тұрғындарға ыңғайлы түрде толтырады", – деді Стратегиялық жоспарлау және реформалар агенттігінің төрағасы Қайрат Келімбетов.

Айтуынша, алғашқы нәтижелер жыл соңына дейін белгілі болады.

"Жалпы, біз қазір санаққа дайындалып жатырмыз. Тиісті қаражат уақытылы бөлінген, олар резервте сақталған. Бюджеттегі белгілі нақтыландыру шеңберінде  Ұлттық статистика бюросына да қаражат бөлінеді. Ол статистикамен айналысатын адамдардың жалақысына кетеді", – деді Қайрат Келімбетов.

Науқанға кететін шығындар 8,2 миллиард теңгені немесе 10,4 миллион долларды құрайды. Бұл сомаға интервьюерлердің жалақысын төлеуге, планшеттерді сатып алуға және тағы басқа шығындар кіреді.

2009 жылғы санақтың нәтижелері бойынша Қазақстан халқы 16 миллион адамды құраған, 1999 жылғы санақпен салыстырғанда бір миллионға өсті.

Следите за самыми актуальными новостями в нашем
Telegram-канале и на странице в Facebook

Присоединяйтесь к нашему сообществу в Instagram

Если вы нашли ошибку в тексте, выделите ее мышью и нажмите Ctrl+Enter