Ал жылдың ортасында ішкі сұраныс жанданады.
"Біздің болжауымызша, жалпы ішкі өнім 3 процентке өседі. Мамыр-маусым айларында өсімнің оң зонасына шығуымыз қажет", – деді Ұлттық экономика министрі Әсет Ерғалиев орталық коммуникациялар қызметінде өткен онлайн брифингте.
Оның айтуынша, жылдың ортасында ішкі сұраныс жанданады. Сыртқы экономикалық жағдай мен сауда балансы да түзеле бастайды. Осының арқасында экономика біртіндеп көтеріледі.
Осы орайда министр экономикалық өсімнің негізгі себептерін атады.
"Әрине, мемлекеттік қолдау шараларының әсері де болды. Соның ішінде "Бизнестің жол картасы", "Нұрлы жол" мен "Нұрлы жер" бағдарламалары бар. Бұның барлығы ішкі сұранысты ұстап тұруға және экономиканың өсімін қамтамасыз етуге мүмкіндік береді", – деді Ерғалиев.