Нұр-Сұлтанда Батырхан Шүкеновке ескерткіш қойылады. Үздік эскизге конкурс жарияланды

Ескерткішті демеушілік қаражат есебінен қалалық саябаққа орнату жоспарланған.

Нұр-Сұлтанда Батырхан Шүкеновке ескерткіш орнатылады. Елорда әкімдігі монументтің үздік эскизіне байқау жариялады, деп хабарлайды қала әкімдігі.

"Нұр-Сұлтанда талантты әнші және композитор Батырхан Шүкеновке арнап ескерткіш орнатылады. Елорда әкімдігі осыған арнап үздік эскиз-идеясына байқау жариялады. Ұсыныстарды Birge платформасында – оң жағынан төменгі бұрышындағы "Кері байланыс" батырмасы арқылы жіберуге болады", – делінген хабарламада.

Ескерткіш қалалық саябақта демеушілік қаражат есебінен орнатылмақ.

Қазақстандық әнші, композитор Батырхан Шүкенов қайтыс болғаннан бері алты жыл өтті. Ол 2015 жылғы 28 сәуірде 52 жасында инфаркттан көз жұмды. Оның қайтыс болғаны туралы ақпарат бүкіл елді және әншінің миллиондаған тыңдарманын есеңгіретті.


Оқи отырыңыз: Біз білмейтін Батыр...


 
 

Серіктестер жаңалықтары