Жыл басынан бері қандас атанған 17,3 мың этникалық қазақтың 11,1%-ы жоғары білімді

Еңбекке қабілетті жастағы қандастардың ішінде тек 3,1%-ының білімі жоқ.

2021 жылғы 1 желтоқсандағы жағдай бойынша 17 358 адам тарихи отанымен табысып, қандас мәртебесін алды. Жалпы 1991 жылдан бері республикаға 1 миллион 87,7 мың этникалық қазақ оралды, деп хабарлайды ҚР еңбек және халықты әлеуметтік қорғау министрлігінің баспасөз қызметі.

Ағымдағы жылдың басынан Қазақстанға келген қандастардың жартысынан көбі:

  • Өзбекстан – 76,2%;
  • Қытай – 9,7%;
  • Түрікменстан – 6%,
  • Моңғолия – 2,5%;
  • басқа елдерден – 5,7%.

Келген этникалық қазақтар негізінен:

  • Алматы – 28,3%;
  • Түркістан – 13,4%;
  • Маңғыстау – 19,1%;
  • Жамбыл облыстарына – 7,8%;
  • Шымкентке – 10,5% қоныстанды.

Ағымдағы жылғы 1 желтоқсандағы жағдай бойынша еңбекке қабілетті жастағы этникалық қоныс аударушылар саны 55,2%-ды, еңбекке қабілетті жастан кіші 28,1%-ды және зейнеткерлер 16,8%-ды құрайды.

Еңбекке қабілетті жастағы қандастардың ішінен білім деңгейі бойынша – 11,1% жоғары білімді, 40,2% – орта кәсіби білімді, 45,5% – жалпы орта білімді және 3,1% – білімі жоқ.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары