Жолаушылар әуе рейсінің кешігуінен қалай сақтандырылады

Қазақстанда авиация саласының цифрлық трансформациясы қарқынды дамып келеді, бұл саладағы мемлекеттік-жекешелік әріптестік жобаларының кеңеюімен жүзеге асырылуда, деп хабарлады Үкімет сайты.

Көлік вице-министрі Талғат Ластаевтың айтуынша, жүк тасымалдарында E-freight электрондық құжат айналымы жүйесі енгізілсе, елдің әуежайларында E-doc-airport электрондық жеке куәлік жүйесі арқылы жолаушылар қағаз құжаттарынсыз тіркеуден және бақылаудан өте алады. 

Бұдан бөлек, биометриялық сәйкестендіру, ұшақтың ұшу уақытын және отын шығынын азайта отырып бағыттарды оңтайландыру сияқты жаңа инновациялар енгізілуде. Әуе рейстерінің кешігуі жағдайында цифрлық сақтандыру қызметі де іске қосылады. 

Бұл қызмет түрі, авиабилеттерді сатуға арналған қосымшаға қосылған, жолаушыларға рейстердің кешігіп қалған жағдайында автоматты түрде сақтандыруды қамтиды және төлемдерді жедел алуға мүмкіндік береді.

Оқи отырыңыз: Торонто әуежайында жолаушылар ұшағы аударылды: 18 адам жарақат алды