Жоғары оқу орындарына құжат қабылдау 25 тамызға дейін жалғасады

Жоғары оқу орындарына қабылдау үшін құжаттарды 25 тамызға дейін тапсыру қажет. 

"Мемлекеттік білім гранты иегерлері жоғары оқу орындарына қабылдану үшін құжаттарын 25 тамызға дейін тапсыруы тиіс. Ол үшін е.Gov.kz "электрондық үкімет" порталы арқылы өтінім беру қажет. Қызмет түрі 2021 жылдың 17 тамызынан бастап қолжетімді болады", – делінген ҚР Білім және ғылым министрлігінің хабарламасында. 

Жоғары оқу орындарына ақылы негізде қабылдану үшін ЖОО-лардың виртуалдық қабылдау комиссияларына жүгіну қажет. Тізім ҚР БҒМ Ұлттық тестілеу орталығының сайтында орналастырылған.

Еске салсақ, биыл президенттік жастар кадр резервіне үміткерлер қазақ тілін білу деңгейі туралы сертификат тапсыруға міндеттелетіні туралы хабарлаған едік. Анар Жаилғанова Конституция бойынша азаматтарды тіл білмегені үшін кемсітуге болмайтынын еске салды.