Тікелей эфир

Жеңіс Қасымбек Астана қаласының әкімі болып тағайындалды

Тиісті жарлық Ақорда сайтында жарияланды.

Жеңіс Қасымбек Астана қаласының әкімі болып тағайындалды. Президент тиісті жарлыққа қол қойды.

"Жеңіс Махмұдұлы Қасымбек Астана қаласының әкімі лауазымына тағайындалсын", – деп жазылған президент жарлығында.

Жеңіс Қасымбек 1975 жылы Жамбыл облысында дүниеге келген. Қазақ мемлекеттік сәулет-құрылыс академиясында "сәулетші-дизайнер" мамандығы бойынша, Л.Н. Гумилёв атындағы Еуразия мемлекеттік университетінде "мемлекеттік және жергілікті басқару" мамандығы бойынша білім алған.

Еңбек жолын 1997 жылы Қазақ мемлекеттік сәулет-құрылыс академиясында тағылымгер-зерттеуші болып бастаған. Әртүрлі жылдары бөлім бастығы, вице-министр, министр, премьер-министрінің орынбасары қызметін атқарған.

2019 жылғы 19 қыркүйектен 2022 жылдың 8 желтоқсанына дейін Қарағанды облысының әкімі болды.

Біздің Telegram-каналдағы ең көп оқылған жаңалықтар
Серіктестер жаңалықтары