Жеңістің 80 жылдығы: Астанада әскери парад өткізуге 2,5 миллиард теңге жұмсалады

12 ақпан 2025, 16:11 Авторға хат жазу قازاقشا Qaz

Парадтық сап түзеу тарихи және заманауи кезеңдерді бейнелейді.

Жеңістің 80 жылдығына орай Астанада өтетін әскери парадқа 2,5 миллиард теңге бөлінді, деп хабарлайды Sputnik Қазақстан.

Қорғаныс министрлігінің тәрбие және идеологиялық жұмыс департаменті бастығының орынбасары Виталий Адамовичтың айтуынша, бұл қаражат отынға, қосалқы бөлшектерге, іссапар шығындарына, әскерлердің қозғалысына, форма тігуге жұмсалады.

Шеру үш кезеңмен өтеді:

біріншісі - жаяу әскерилер шеруі,
екіншісі - механикаландырылған шеру,
үшінші кезеңде авиация ұшады.

Оқи отырыңыз: Ерболат Досаев Жеңіс күні қарсаңында ҰОС ардагерлерін құттықтады

Парадтық сап түзеу тарихи және заманауи кезеңдерді бейнелейді. Шеруде алғаш рет ҰОС-ға қатысқан қазақстандық бөлімдердің жауынгерлік тулары көрсетіледі. Шеруге шамамен 4,5 мың адам қатысады. Алаңда кейінгі жылдары сатып алынған қару-жарақ пен әскери техниканың жаңа үлгілері ұсынылады.

Бұдан басқа, ТЖМ, ІІМ және МКҰ күштерінің жаңа техникасы ұсынылады. Сонымен қатар Қазақстанның әскери қызметшілері Мәскеу мен Беларусьтегі әскери парадтарға қатысады.